شعرشعبي عراقي عتاب | الشاعر مالك السلطاني |

كلمات دلالية - | شعر شعبي عراقي 2016 | خواطر شعرية | شعر شعبي عراقي عن الحب 2016 | + الشاعر مالك السلطاني 2016

نيتكم وياهة شنو ؟؟

أو بالأصح أنتم منو ؟؟

و شجابكم لأحساسهة ؟؟

بانيلهة بريتي نفس ..

خافن حجزتوهة بمهر ..

حاجز كصيبة براسهة !!

كبرت وأخذتوهة شوكت ؟

ربيتهة لحد ما وكع ..

وجهي وعثرت بسيفكم .

ما شايفة خيوط الشمس ..

طفلة وخنكتوهة بعرس ..

جا هية شنهي بكيفكم .

باطل هلاهلكم جذب ..

جيتوهة من باب الستر ..

عوفوهة ستروا عيوبكم .

يالمشتريهة بجم فلس ..

مشكولة ريت جيوبكم .

جكليتكم كلة زغل ..

يالمالكم بيهة شغل ..

بيظة كلب مو ثوبكم .

كاتب عليهة شكد شعر ..

بألهامي تلكون شكثر ..

صارف أحساس بكد سواد كلوبكم .

رجعوهة خلوني أنطفي .

شديت عمري بلا وعي ..

بشباج أثر خطواتهة .

رجعوهة .. وأقبل من تجي 

ترد هية ووليداتهة !!!

كلمات الشاعر المبدع مالك السلطاني