شعر شعبي عراقي 2016 + صورة

كلمات دلالية | شعر شعبي عراقي 2016 | + | صور للعلم لمن عشكتك جان ما عندك علم | + | للعلم لمن عشكتك جان ما عندك علم | + | شعر شعبي عراقي عن الحب | + | شعر شعبي عراقي فيس بوك | + | خلفيات شاشة عرض | + | غلاف فيس بوك عن الحب 2016 | + | شعر شعبي غزل |

للعلم لمن عشكتك جان ما عندك علم ..

وللعلم لمن عفتني جنة آني وياك نفتر بالحلم ..

ويا عشكنة شكد خطية .. ماخذ من الحرب شمرة وما رفع راية سلم

و للعلم ضحكة غرورك حاكت أحداث الفلم ..

لوحة صعبة شلون أرسمك .. أنصبغت الفرشة بحياتي وهم خجل حتة الرسم

وآنة جاهل ليش أحبك .. جاهل يريد الفهم ..

يالعفتني بليل هجرك .. و أنتة يوسف طيبة ريحك ..

حال يعكوب الصفالي .. دزلي مرسال بقميصك ..

رايد ثيابك أشم ..

أنكسر كلبي و تشظة .. أطشر أحتار شيلمة .. و ياهو من بعدك يلم ..

لمني خليني علة صدرك .. بترافة أوصيك جرحي .. بهيدة ما بية أنلجم .

وللعلم ساعة وداعك خوفت حتة الزلم ..

ما حسبت حساب تجفي .. كل سنيني أجمع وأقسم ..

والنتيجة تكول فردي

يالعشكتك حيل ودي

أترس سلال وأبدي

أطبع الشفة علة خدك و أنفرد وياك وحدي ..

ودي .. ودي

أشبك الطيف علة بالك .. طيف روحي بليل وردي ..

ودي .. ودي

أمسح الدمعة بغيابك .. الجرح بشفاك يدي ..

يالعفتني .. هذا كلبي .. شحالة كلبي

أنكسر لحظة وداعك .. عاين الدمعة علة خدي

أنفطر مشكوك خدي ..

يالعفتني بلا وصية .. جزرك الغطة بمكانك .. و شتظن يلفاك مدي ..

و يالعفتني وشنهو ذنبي .. أطبخ أشواكي علة نارك .. والحطب كصبات بردي

و مو عجيبة الشمس غابت .. وي نهاري شلون غابت .. يالصرت حفار لحدي ..

شكتب .. تردلي من أعاتب .. ؟؟

أسرد بهجرك قصيدة  .. وشنفع وياك سردي ..

ما نفع وياك سردي .......