مدونة الشعر الشعبي العراقي | Hassanalamry36 |
❤❤
حملن كل شوگهن حطن عليك
حلمن بملگه الشفاگة المايصح
احجارة لا تشمر عليهن من بعيد
ما يطيرن حتة لو تشمر رمح
حطن بلحظة وفه وساعة أمان
و كاسرن شوگ و وفه و زاد و ملح
اتأملنها العافيه من اجفوف أديك
و نامن ابابك لحد خيط الصبح
مطرن غيوم الوفه البيهن عليك
وانت بغيوم الهجر صاير تلح
سرك الامنته بعيوني يبات
وسري عندك مثل حنطه ابجف فلح
شرد اكض اعيونهم خافن تشوف
لو ارد الشمس خافن ننفضح
آنه جابر واهسك يابو الدلال
وانت كاسر واهسي او ماينصلح
خاطري جامه اوعليها انت مشيت
مو مشي ابراحة صرت تردح ردح
ذكرياتي...
ذكرياتي طيور يم غصنك تبات
وذكرياتك جرح كاعد يم جرح
شرد اوديلك دمع لو سهر ليل
وانت رجعت الطيور بلا جنح
ليست هناك تعليقات:
إرسال تعليق