مدونة الشعر الشعبي العراقي | Hassanalamry36 |
الشاعر أنور القاسمي
هنا يمن جنه وجنت
جينه وسكنه بقسمك
ماردنه نتلاگه بعشك
گلنه عاد باسمك
هنا يمن جنه وجنت
قسمك ابد ما لايگ
بشفاك كطرات الندى
والصبح منها شضايك
مبيوكه نظره من الجفن
واتمنه انه البايك
سبحانه لمن صورك
وابدع فنون ورسمك
هنا يمن جنه وجنت
كلش زغيره الشفه
والكحله ليلية شتا
والعين ترفه وصلفه
من بعيد لمن عاينت
صابت عضاي الرجفه
من بعيد وانه الارتجف
ساعدهم الله اليــمــك
هنا يمن جنه وجنت
نتعنه حتى نشوفك
شحن مكاتيبك عجب
واكطعت بينه حروفك
لاكينه لو صدفه بدرب
كافي التمرنه طيوفك
تتعنه حافي على الجمر
لو جنه احنه نهمك
هنا يمن جنه وجنت
تفرح بطاري الملكه
ولو مر هوانه بحلم
تتوضه يلا تشهكه
جا ليش البصدره عشك
بخيول صد تسحكه
تسحنه خايب من تصد
ولا جنه جنه نهمك
هنا يمن من وجدت
من مايي اعلى شويه
النهران كلما غمجت
روجتها تكبر بيه
خلينه من هذا الحجي
انه النصيحه عليه
لاتاخذ بطبع الورد
وخشوم كثره تشمك
هنا يمن ذاك النهر
كلش غميج بمايه
بهداي لو كيشت
وشواية الله شوايه
بس عاد لو تستقر
نهران اعلى هوايه
مثل الجرف صاير ولك
كلساعه زورق يمك
ماردنه نتلاكه بعشك
ملينه حتى من اسمك
الصفحة الرسمية للشاعر : أنور القاسمي
