شعر شعبي عراقي 2016 | ما بللوني بعشگ .. |

مدونة الشعر الشعبي العراقي 

| Hassanalamry36 |

مـــا بـــــــللوني بعشـــــــگ .. 

و مــــن علـــــــت شمــــــس الزعـــــــل ..

غطــّـــــــيتهم مجبـــــــــــور

بالملگـــــــه أطـــش ضحكتـــي ..

و أتـــــرس الدنيــــــــــا عــــــرس ..

للخـــــــــاطره مكســــــــــور

خســـــروني .. شــــو مـــا بچــــوا ..؟

مـــــا همــّـــــوا لحـــــــالتي ..

و الشجــــــرة تـــــــذبل سنـــــــة ..

مــــن ينكتـــــــل عصفـــــــــور

يـــــــاكل بـــــــروحي العطــــــش .. 

للنهـــــــــــر مــــــا دنّــگــــــــــت ...

خــــــــاف أجـــــــرح النــــــــــــاعور

ويـــــــــــن ألگـــــــه صـــاحب وفــــي ..

الــــــــــوادم تغيــّــــــرت .. 

و عــــــين الـ حرگهــــــــا السهـــــــر ..

مـــا تـــــــبرد شمــــــــا بچــــــــت ..

بالعكـــــــــس .. تبقــــــــى تفــــــــــور

دلونـــــي درب الشمـــــــس .. 

صــــــح مــــا نكـــــرت الفضــــــــل .. 

بــــس مــــن وصلـــــت الضـــــوى ..

عـ الظلمــــــــة كتبـــــــوا نــــــــور

غـــــزّر ويـــــاي المــــــــلح ..

و إنطـــــــاني ســــــرّه العطــــــش .. 

و گلــّــــي النهــــر لــــــو ذبـــــــل ..

طِـــــش علــــــــى جروفـــــــه طيـــــور

بالدنيــــــا مــــا ظــــل صــــــدگ .. 

و العشـــــرة صــــــارت طمـــــــع 

و لـــــــو مــا خضــــار الشجـــــر ..

تلگـــــــه الغصــــــن مهجــــــــور

ملــّـــوني .. مـــــدري آنــــه أشـــــك ..؟ 

شــــــو چنهـــــــم تغيــّـــــروا ..؟؟ 

و المشكـــــــلة مــــن أبتعـــــــد ..

گالــــــوا علـــــــي مغــــــرور

يبـــــــلاهم الله بجــــــرح 

كـــــــون أكبـــــــر مــــن الوطــــــن 

الـ يـــــــدعي علــــى غيـــــره بجــــرح .. 

مــــرات هــــــم معــــذور

عريان السيد خلف | غم ذاك العمر من ينكظي تعلعل .. من القصائد المؤثرة جداً |

مدونة الشعر الشعبي العراقي 2016

| Hassanalamry36 |

عريان السيد خلف



ضمني بليل ثاني وحل حلال الخل
شحيحه افراحنه ودكانهه معزل
البسمه نبوكهه من الاه والياويل
وصياد الهموم بدفتره يسجل
ياكلبي شبعد ومعكرات الكيف
زمن توزهن ما اضن بعد تحمل
يولنك ضواري مهذبات الناب
لامخلص يعينك لو ردت تجفل
يا مشاجج زمانك حد كطاع النيط
تترجه الشفه وشكواك سل السل


لاعاد الصبر يلجم مصب العين
ولا مثل الخلك بدموعنه نمثل
ولاذيج المضايف عاجده الديوان
ولا سربه وذن برياضهن تصهل
ولا شارب يرف لو مطكت ام عريف
ولا شكره جعد بوجوهنه تهلهل
ولامدرع فشك ينحر صدور الكوم
وما بين اللميض يحول تحول
ولاصاحب ذرب يوجد الماذيك
يبسط خاطره وفوك الجرح ينزل
مصخت والضماير غبراهه الغيض
وامتد الدرب وام الفرح مثجل
وطالت والعمر كلما تلف بي يطول
غم ذاك العمر من ينكضي تعلعل


شي عاشت لفو وتروم هذا وذاك
وشي كضت عمرهه بنعم وتوسل
وشي حربه مواسم تنبت بكل كيف
شما بدل وكتهه لحالهه تبدل
وشي تلهث عمر تجمع ورق وارقام
لحد كطع النفس وبمالهه تنعثل
مناحر والخلك ما تعرف المعروف
ماخذهه الطمع وبلا سبب تكتل
ما اني من ارد اسولف واكشف المغلوك
يغدي الحك صبر وحجايتي تزعل

للمشاهدة على اليوتيوب :

عريان سيد خلف خليتني بديرة غرب | اقوى قصائد عريان السيد خلف |

مدونة الشعر الشعبي العراقي 

عريان السيد خلف في أجمل ما كتب من قصائد ...

قصيدة .. خليتني بديرة غرب 

| Hassanalamry36 |


خليتني بديرة غرب
مالوم والمدمع يكت

يالرسمك بعيني أنطبع
راحت عيوني وما رحت

ساكيتك بدمع الجفن
يا دمع هلبت غزرت

بذات يالماصخ لبن
حتة بودادك زاغلت

لا طيف يالطيفك فرح
لا تنشد أنتة ولا كلت

جيتك ولو شفتك قهر
ولغير شوفك ما ردت

ضايع ولا أكولن ضعت
ضميت كل حركة جفة ومنك هواي أتحملت

و ذوب شحم كلبي الهوة
وخوب أنتة بعيونك شفت

ناحل ولا أكول أنحلت
يالساكن بوسط الكلب ومعاتت الجاهل تعت

يالتوبتني من الهوة
و لساع منك ما تبت

يحرك بدمعي معاتبك
وصدوع كثرة تصدعت


مثل المزوهر لو طفح
من كثر صبري أتزوهرت

ها باجر يبين خبر
ها باجر يدور الوكت

أبداً ولا منك ذجر
وسنين مُرة أتنطرت

أبداً ولا مثل الخلك
مريت مرة وسلمت

ضايع ولا أكولن ضعت
ناحل ولا أكول أنحلت
يالساكن بوسط الكلب ومعاتت الجاهل تعت 
يالتوبتني من الهوة ولساع منك ما تبت
لا تــــشــتــــــــــمـــــــــــــــت

للمشاهدة على اليوتيوب : 

كاظم أسماعيل الكاطع | لا يا فشلتي من الگمر ... |

مدونة الشعر الشعبي العراقي

| Hassanalamry36 |
شعر شعبي عراقي : كاظم أسماعيل الكاطع

گــــلبـــــي الــــربــة بحضـــن العـــشـــــــــك

ينزف ندم رديتة

لا يا فشــــــلتي من الكَمر بسمة شكثر ناجيتة

عاگول يطعـــلي الورد  ؟؟

لو ادري ما تانيتة

كَـــــــــلبي الشبگ  شوگـــــة وغــــــفـــــــة

بصيحت ندم وعيتة

مات الوفة

وحفريت جرحي بخنجر ودفنيتة

شعر شعبي عراقي 2016 | شعبي + فصيح |

شعر شعبي عراقي 2016

| مدونة الشعر الشعبي العراقي | + | مدونة Hassanalamry36 |

واذا يوم سقطت بعلةً 
فأعلم بأني لا اعالج دائي

واعلم بأني لا اساوم عزتي
واعلم بأني لا ابيع ولائي

لكن شئ للحبيب تركته
فوجدت سهمك ياحبيب دوائي

جنت بعدك اهد وافزع{وصل وين}
جفيت ونشدت الوادم{وصل وين}
جنه احباب
نتلاكه ونسد الباب
ونسولف بلايه عتاب
سهمك فات يابذات
طب بنص دليلي ومات
وانه بهاي صحت هواي
بجاني و يضحك عداي
اما تعلم سهم حبك{وصل وين}
جزه الحله ورجع للناصريه...

عريان السيد خلف | يالشعرك ملـيـل حل حلال الخل .. وطول واهسك للواهسة مخيل |

مدونة الشعر الشعبي العراقي 2016 

شعر شعبي عراقي 

عريان السيد خلف 

مدونة Hassanalamry36

يالشـــــــعرك مليل حل حــــلال الخل .. وطول واهســـــــك للواهسة مخيل 

أســـــــلم من عذاب الآه  والياويل .. وعللني ابهـــــواك العـــــــافــية تعـلل

يا تالي المزن جل العمر عيسوب .. و فــوك مروز روحي الزور صاير جل 

مدني بفوك وكري بطارف الصعبات .. وصــــكور الروابي العـــــالية تزبل 

مشكـــلتي الفرح ما عرف بابة منين .. وبثوب الحـــزن من زغــر متمشكل

ناورني الدمع بأول مدب عالكاع .. وناغـــمني الحـــــزن وي رنة الجــنجل 

ضميت الصداكة لساعة الكلفات .. وأحــــــرزت الوفــــــة للجـودهة موشل 

حل شعرك حبيبي الليل بلكي يطول .. ترة خــــــيط الفجر يستعجل من يهل 

لمشاهدة القصيدة على اليوتيوب من هنا : 

شعر شعبي عراقي | يمطرزة عيونك شذر .. يمترسة خدودك ماي | 2016

شعر شعبي عراقي 2016

| مدونة الشعر الشعبي العراقي | 

يمطرزه عيونك شذر 
يمترسه خدودك ماي 
مو كتلي امر بيك العصر شو هسه ليل وماجاي
اتمنه خير العطلك 
لا شده كون ولا درك
تدري اعله هالساعة الغبت 
عقلي وكف عقلي اشترك 
عقلي وصفيت بلا راي 
ويالكتلي امر بيك العصر شو هسه ليل وماجاي
عنك حبيبي شكد حجو
كالولي شو بي مهتم
كلتلهم ستوني شفت 
جلد تحت الدم
جوري وعليه كبصت ملح 
حكي من اشوفنه انشرح
واضحك واسولف بهداي
ويالكتلي امر بيك العصر شو هسه ليل وماجاي
يابو شفايف من تين
يل شفتك مرطوبه 
خايف عليك من اللعب
لا تنكسر بلطوبه
العب تعال على الكلب 
صدكني الك دوم الغلب
وأسمك بعد ماينشطب
حبر بقلم فوك احشاي
ويلكتلي امربيك العصر شو هسه ليل وما جاي
اني بكثر ما دورت
كل الدروب اندلهه
واني بكثر مادورت 
تكدر تدور وياي
ويل كتلي امر بيك العصر شو هسه ليل وماجاي

مشاركة المبدع : حسين الشمري

شعر شعبي عراقي 2016 | حزن واليشتهي يغني .. يدير الكاس بجروحة |

شعر شعبي عراقي | مدونة الشعر الشعبي العراقي | 

حزن واليشتهي يغني يدير الكاس بجروحه 
حزن والمالكه اشراعه تنام الاه وي روحه 
يكلبي شمالك تكابر !
صهيلك سمعته النجمه 
العتب بعيونك مبين

Hassanalamry36

شعر شعبي عراقي 2016 | من حطت ٲيدچ كلشي ما مختلف .. |

شعر شعبي عراقي | مدونة الشعر الشعبي العراقي | 

من حطت ٲيدچ كلشي ما مختلف
يلما ضوّت بعيوني عكَبچ شمس

مشتاكَلچ والبيچ ، ما ينّسي
شكَد صآرلچ وموادعچ چنّ ٲمس