شعر شعبي عراقي غزل 2016 | أريدك بالحلم خطار .. مر بيه عشك أخضر |

شعر شعبي عراقي 2016 + الشاعر ناظم السماوي

شعر عراقي غزل 2016 

اريدك بالحلم خطار  .. مر بيه عشك اخضر
واتيه نجمه بسنينك .. ادور طيفك الــما مر

خذانه الواهس من بعيد .. نزف شموعنه بشوكك
مشينه وايد تشبج ايد .. ننــــــاغي الروح بطيوفك
العمر من غير حب شيفيد .. لمني بعصرة جفوفك

ياريــــحة مسج ياهيل
عذبني ونيــــــن الليل

شكلك وانته نسمة صيف .. شكــــــــلك يالذهب شعرك
لاجن مـــــــاتحب ياحيف .. تصــــــــد وتعذب بهـــــجرك
وادلل بالصبر سنتين .. خلص صــــــــبري الحمل صبرك

يكــحله بجفن كل سمره
تره الدنيه بطرك عشره

اجيتك من بعد غربه .. اجيــــــت بليله كمريه
هذاك اني نبع صافي .. يخايب دغش مابيه
اجيتك والعتب بالعين .. عتب عاشك بحــنيه

واكلك هجرك شسوه
لون ادري فلا اهــــوه

أضخم مكتبة عربية مجانية PDF | المكتبة الأكبر على الأطلاق |

السلام عليكم ورحمة الله وبركاته :

متابعي مدونة Hassanalamry36  أُقدم لكم في تدوينة اليوم المكتبة الأفضل و الأكبر والأسهل في تحميل وقرائة الكتب المجانية والروايات المترجمة والتي تحتوي على الالاف الكتب المجانية بشتى المجالات .

يمكنك الآن تصفح قاعدة بيانات الكتب العربية، اقرأ معلومات عن آلاف الكتب، ونزل لجهازك آلاف الكتب لتقرأها مجاناً. 

تطبيق رشف يحتوي على خدمتين، معلومات وافية عن أكثر من 38 ألف كتاب عربي وأكثر من 13000 مؤلف، وآلاف الناشرين .

يمكنك الذهاب الى المكتبة عن طريق الرابط التالي :

موقع رشف

شعر شعبي عراقي 2016 | من ضحكت الدنية مطر .. نمشي انة وأنتة بلا سكف ... |

شعر شعبي عراقي 2016  + شعر شعبي عراقي عن الحب 2016  + الشاعر حسين علي المطوري

للشاعر حسين علي المطوري :


من ضحكت الدنية مطر 
نمشي اني وانتة بلا سكف .. بس فنهة كطرة تلوحنة
حيل أنعجب بينة الندة .. وكطرات بأوراق الشجر غسلت نفسهة بروحنة
مرينة بأغصان الورد .. أستحرمنة نلمس عفتة .. وهوة بكلب جاهل بجة ومد ايدة راد يبوكنة
دك بينة حتة المو كلب .. خذلك حجارة من أي درب .. كلبهة بيهة تحس نبض من تغفة بين صدورنة 
صح أحنة مو بزرة علي .. وما عدنة مرقد من ذهب .. لكن ملائكة العشك كل ليلة جمعة تزورنة
بينة عسل مو من نحل .. مكاسر وجهنة بصم ملح .. ما تقبل تشوف البشر .. غزرنة بمراياتنة

شعر شعبي عراقي غزل 2016 | يعافيتي وبياضج حيل يغتاظ الكطن منة |

شعر شعبي عراقي 2016  + شعر عن الحب 2016 

يعافيتي ..
وبياضج حيل يغتاض الكطن منة
واذا طاريج مرة انجاب 
ما ينكال..... يتغنة
سألتج ليش تندارين 
واني ادري الخجل فطرة
وعرفت البيج والمابيج
من جان الحجي بنظرة
جمالج موسوالف طين
بس فهميني اريد ارتاح 
انتي بنية لو شذرة ؟!

شعر شعبي عراقي عتاب قوي 2016 | يرادلي شوي صبر .. |

شعر شعبي عراقي عتاب + شعر شعبي عتاب قوي 2016

يرادلي شوي صبر ...

يرادلي شوي صبر 
وشوي أراده وعزم 
واستوعب اللي جره 
وهم عندي منهن هذن 
ضميتهن للزمن 
ماعندي ميت صدك 
بس حافظ المكبره
وممكن أعيد النظر 
فدوه الجنح النكسر 
كل ريشة من الجنح 
ناذرها للمحبره 
وصلوله هذا الحجي 
الماضي جدا مهم 
من يمشي صح القلم 
لا ينكر المسطرة 
ذاك السحك خاطري 
وفززني من الوهم 
من كلبي أريد اشكره 
مستانس ويه الألم 
يحييني دوس الجدم 
شايل طبع كنطره 
مو عيب حال الفقر 
العوز رب الشعر 
سولفها للمادره 
المحار ابن عائلة 
عاش اعله كد حالته 
بس خلف الجوهره
كلمن جرحني ومشه 
طيبة هلي تفلشه 
صح مايعثره الحجر 
بس حوبتي تعثره 
يحفرولي طول السنه 
وادعيلهم بالهنه 
البير شايل كلب 
من تحفر تكبره 
ومن راسي حد الجدم 
يمشي اعله طوله الجرح 
لتكول ديرة هله 
وما أكبر المشكله 
متهمني قصه انتهت 
على يا أساس انعزل 
بعده العمر بأوله 
واتعلمت عالصبر 
مرات افوت بدرب 
بي وحدي والزم سره 
لازم اذل الدمع 
والبس وجه مو رطب 
بي ضحكه متخوصره 
والمشكله ادري الفرح 
بي ميزه مثل الشرف 
ينباع ما ينشره
لاكن مشيت بدرب 
والرجعه زحمه عليه 
أمن الميل انه تعلمت 
ماارجع اللي وره 
امسير متاعي جرح 
وشثكله وجه الدوه 
وادري الدرب منسحك 
بس يمي صاير قوه 
مازاحمت أي بشر 
انه اعله جرت النفس 
مترخص أمن الهوه 
لميت دمعي البقه 
بعيوني مطرة ثقه 
راح انسه كل الجره

شعر شعبي عراقي | شمدريني العشك لو فاض لازم حار ... | 2016

شعر شعبي عراقي عتاب 2016

شعر شعبي عراقي عن الحب 2016

شمدرينــي العشــگ لــوفـــاض لازم حــار

مثــل الچــاي اذا مــو نـــار مايخـــدر

.. الگمـــر مجبـــور ,, مــو بطـــران

صـــار أسنيـــن عاشــگ گـــاع .. باقــي عليهــــا بـــس يفتـــر

شعر شعبي عراقي غزل | صحاري من العطش عمري .. ونزيزك بالگلب يضحك

| شعر شعبي عراقي | + | شعر شعبي عن الحب | + | شعر غزل |

صحاري من العطش عمري ، او نزيزك بالگلب يضحك
وأضمّك نفس بالريّة ، أو تمر نسمة هوى تفضحك
واگول انت ...
وأشوف الراح كلّه انتَ ...
وأشوف الجاي هم انتَ ...
أو يذبل كل حچي الدنيا ، وأشوفك تشتعل سكتة
نِده ، او كلّ العطش بالروح نشّفته
گمر ياخذني لآخر ليل .. وأرجع چنّي ما شفته
تهت وإستغربت ناسي
أو نسيت أهلي ، أو كُبر تنّور وهواسي
أو لگيتك حرز من ألله اعلى كل مجنون علّگته
لـ عبدالوهاب الحمداني